ദുബൈ: സംഗീത സംവിധായകന്‍ എം.എസ് ബാബുരാജിന്റെ പേരിലുള്ള പുരസ്‌കാരം നെല്ലറ ഗ്രൂപ്പ് ഓഫ് കമ്പനി മാനേജിങ് ഡയരക്ടറും ഐ.പി.എ. ചെയര്‍മാനുമായ ഷംസുദ്ദീന്‍ നെല്ലറക്ക്.
പ്രവാസലോകത്ത് മാപ്പിളപ്പാട്ടുകളുടെയും മാപ്പിള കലകളുടെയും പ്രചാരണം നടത്തുകയും കലാകാരന്മാരെ പ്രോത്സാഹിപ്പിക്കുകയും ചെയ്തതിനാണ് പുരസ്‌കാരം.
തനത് മാപ്പിളകലാ സാഹിത്യവേദിയാണ് പുരസ്‌കാരം നല്‍കുന്നത്. എടപ്പാള്‍ സ്വദേശിയായ ഷംസുദ്ദീന്‍ നെല്ലറ മാപ്പിളപ്പാട്ട് ഗായകനാണ്.
അടുത്തമാസം ഏഴിന് കോഴിക്കോട് ടൗണ്‍ഹാളില്‍ നടക്കുന്ന തനത് മാപ്പിളകലാ സാഹിത്യ വേദിയുടെ മൂന്നാം വര്‍ഷിക ചടങ്ങില്‍ പുരസ്‌കാരം നല്‍കും.
ഫൈസല്‍ എളേറ്റില്‍, കെ.കെ അബ്ദുല്‍ സലാം, സി.വി.എ കുട്ടി ചെറുവാടി എന്നിവരടങ്ങിയ ജൂറിയാണ് ഷംസുദ്ദീന്‍ നെല്ലറയെ തിരഞ്ഞെടുത്തത്.