മദീന: പവിത്ര മാസം പരീക്ഷണങ്ങൾക്ക് പരിഹാരം എന്ന ശീർഷകത്തിൽ സഊദി നാഷണൽ തലത്തിൽ നടക്കുന്ന ക്യാമ്പയിൻ ഭാഗമായി ബദർ ഏരിയ എസ് എസ് കമ്മിറ്റി സംഘടിപ്പിച്ച റമദാൻ നിലാവ് ക്യാമ്പയിൻ സമാപിച്ചു. സമാപന സംഗമത്തിന് ഡോ: സയ്യിദ് ശാഹുൽ ഹമീദ് ജമലുല്ലൈലി തങ്ങൾ നേതൃത്വം നൽകി. തൂമ്പത്ത് മൊയ്തീൻ എന്ന ബാപ്പു സ്വാഗതം പറഞ്ഞു. സ്വദഖത്തുള്ള മുസ്ലിയാർ കുന്നുംപുറം അധ്യക്ഷ പ്രഭാഷണം നടത്തി. അബ്ദുസ്സലാം അൽ ഖൈഫ്, ബീരാൻ കുട്ടി മുസ്ലിയാർ, ഉമ്മർ നീലാഞ്ചേരി, ആസാദ് തൃപ്പനച്ചി പ്രഭാഷണം നടത്തി. റമദാൻ രണ്ടിന് തുടങ്ങിയ ക്യാമ്പയിനിൽ നിരവധി പണ്ഡിത പ്രമുഖർ സംബന്ധിച്ചു.