കരൂപ്പടന്ന: സ്വന്തം വീട്ടുവളപ്പിലെ കിണറില്‍ നിന്ന് വെള്ളമെടുത്ത് വാഹനത്തില്‍ വാര്‍ഡിന്റെ വിവിധ ഭാഗങ്ങളില്‍ വിതരണം ചെയ്ത് ഗ്രാമപഞ്ചായത്തു അംഗം മാതൃകയാകുന്നു. വെള്ളാങ്ങല്ലൂര്‍ ഗ്രാമപഞ്ചായത്തിലെ ഒന്‍പതാം വാര്‍ഡായ കാരുമാത്രയിലെ അംഗം സീമന്തിനി സുന്ദരനാണ് സ്വന്തം കിണറ്റില്‍ നിന്ന് വെള്ളമെടുത്ത് വാര്‍ഡ് വികസന സമിതി അംഗങ്ങളുടെ സഹകരണത്തോടെ വാര്‍ഡിലെ കുടിവെള്ള ക്ഷാമം രൂക്ഷമായ കാരുമാത്ര, കടലായി പ്രദേശങ്ങളില്‍ വിതരണം ചെയ്യുന്നത്. അവര്‍ തന്നെയാണ് ഓരോ പ്രദേശത്തും കുടിവെള്ളത്തിനായി കാത്തു നില്‍ക്കുന്നവര്‍ക്ക് വെള്ളം നിറച്ചു കൊടുക്കുന്നത്.