കോഴിക്കോട്: ഇടവേളക്ക് ശേഷം പുനരാരംഭിച്ച കെ.പി.എല്ലില്‍ ഗോകുലത്തിന് വിജയത്തുടക്കം.
കോഴിക്കോട് കോര്‍പറേഷന്‍ സ്റ്റേഡിയത്തില്‍ നടന്ന മത്സരത്തില്‍ എതിരില്ലാത്ത മൂന്നു ഗോളുകള്‍ക്ക് ഗോള്‍ഡന്‍ ത്രഡ്‌സിനെയാണ് പരാജയപ്പെടുത്തിയത്. 28ാം മിനുട്ടില്‍ ഷിഹാദാണ് ഗോകുലത്തിന്റെ ആദ്യ ഗോള്‍ നേടിയത്.

74ാം മിനുട്ടില്‍ ക്രിസ്റ്റ്യന്‍ സബയും 80ാം മിനുട്ടില്‍ താഹിര്‍ സമാനും ഗോകുലത്തിനായി ഗോള്‍ കണ്ടെത്തി. ഈ ജയത്തോടെ ഗോകുലം കേരള എഫ്.സി ഗ്രൂപ്പ് ബിയില്‍ ഒന്നാമതെത്തി. ആദ്യമായി കെ.പി.എല്ലിലെത്തിയ ഷൂട്ടേഴ്‌സ് പടന്നക്കും വിജയം.

തിരുവനന്തപുരത്ത് നടന്ന മത്സരത്തില്‍ കോവളം എഫ്.സിയേയാണ് ഷൂട്ടേഴ്‌സ് പരാജയപ്പെടുത്തിയത്. എതിരില്ലാത്ത മൂന്ന് ഗോളുകള്‍ക്കായിരുന്നു ഷൂട്ടേഴ്‌സിന്റെ ജയം. സുര്‍ബിന്‍, എറിക് എന്നിവര്‍ ഷൂട്ടേഴ്‌സിന് വേണ്ടി ഗോള്‍ കണ്ടെത്തി. മറ്റൊന്ന് സെല്‍ഫ് ഗോളായിരുന്നു.