ന്യൂഡല്‍ഹി: ഇന്ത്യയില്‍ സന്ദര്‍ശനത്തിനെത്തിയ കനേഡിയന്‍ യുവതിയെ പീഡിപ്പിച്ചതായി പരാതി. ദക്ഷിണ ഡല്‍ഹിയിലെ ഹൗസ് ഖാസ് മേഖലയില്‍ ചൊവ്വാഴ്ച്ച രാത്രിയാണ് സംഭവം. യുവതിയുടെ പരാതിയെത്തുടര്‍ന്ന് ഡല്‍ഹി സ്വദേശിയായ അഭിഷേകിനെ പൊലിസ് അറസ്റ്റ് ചെയ്തു.

ചൊവ്വാഴ്ച ഹൗസ് ഖാസ് മേഖലയിലുള്ള പബ്ബില്‍ വച്ചാണു യുവതി അഭിഷേകിനെ പരിചയപ്പെടുന്നത്. തുടര്‍ന്ന് സൗഹൃദം നടിച്ച് യുവതിയെ താമസസ്ഥലത്തേക്ക് വിളിച്ചുവരുത്തിയാണ് അഭിഷേക് പീഡിപ്പിച്ചത്. തുടര്‍ന്ന് ഡല്‍ഹി എയിംസില്‍ ചികിത്സ തേടിയ ശേഷം യുവതി പൊലിസില്‍ പരാതി നല്‍കുകയായിരുന്നു.