കിനാലൂര്‍: കക്കയം ഫോറസ്റ്റ് പരിധിയിലെ മണിച്ചേരി തലയാട് മേഖലയില്‍ പുലിയെ കണ്ടതായി അഭ്യൂഹം.  പുലര്‍ച്ചെ ടാപ്പിങ് തൊഴിലാളികള്‍ പുലിയെ കണ്ടെന്നാണ് പ്രചാരം.
 നാട്ടുകാര്‍ വിവരം നല്‍കിയതിന്റെ അടിസ്ഥാനത്തില്‍ പ്രമോദ് കുമാറിന്റെ നേതൃത്വത്തില്‍ വനംവകുപ്പ് ഉദ്യോഗസ്ഥര്‍ പ്രദേശത്ത് പരിശോധന നടത്തി.
മഴ പെയ്തതിനാല്‍ കാല്‍പ്പാടുകള്‍ വ്യകതമായി കാണുന്നില്ല. കാല്‍പ്പാടുകള്‍ പുലിയുടേതാണോ എന്നറിയാന്‍ കൂടുതല്‍ പരിശോധന വേണ്ടി വരും.  അഭ്യൂഹത്തെ തുടര്‍ന്ന്  തലയാട് മണിച്ചേരി പ്രദേശങ്ങളില്‍ ടാപ്പിങ്, തൊഴിലുറപ്പ് പ്രവൃത്തികള്‍ നിര്‍ത്തിവെച്ചിരിക്കുകയാണ്.
ഫോറസ്റ്റ് ഉദ്യോഗസ്ഥരോടൊപ്പം നാട്ടുകാരും ജനപ്രതിനിധികളും തിരച്ചില്‍ നടത്തി.