ബാഴ്‌സലോണ: ഇന്നലത്തെ മത്സരത്തില്‍ ബാഴ്‌സ താരം ലൂയീസ് സുവാരസിന് പരുക്ക്. പരുക്കേറ്റതിന് ശേഷം സുവാരസിനെ പിന്‍വലിച്ച് കുട്ടീഞ്ഞോയെ കളത്തിലിറക്കുകയും ചെയ്തിരുന്നു. കാര്യമായ പരുക്കാണോ ഏറ്റിരിക്കുന്നത് എന്ന കാര്യത്തെ കുറിച്ച് ക്ലബ് ഇതുവരെ പ്രതികരിച്ചിട്ടില്ല. പരുക്കേറ്റത് കാരണം മറ്റൊരു മുന്നേറ്റ താരമയ ഉസ്മാന്‍ ഡംബലേയും പുറത്താണ്. ഏപ്രില്‍ 10ന് നടക്കുന്ന മാഞ്ചസ്റ്റര്‍ യൂനൈറ്റഡിനെതിരായ ചാംപ്യന്‍സ് ലീഗ് മത്സരങ്ങള്‍ക്ക് താരം തിരിച്ചെത്തണമെന്നാണ് ആരാധകരുടെ പ്രാര്‍ഥന.