അങ്ങാടിപ്പുറം: ഹരിയാനയിലെ കുരുക്ഷേത്രയില്‍ നടന്ന ദേശീയ കോഫ്‌ബോള്‍ ചാംപ്യന്‍ഷിപ്പില്‍ സബ് ജൂനിയര്‍, ജൂനിയര്‍ വിഭാഗത്തില്‍ കേരളത്തിന് മൂന്നാംസ്ഥാനം. ഇരുവിഭാഗങ്ങളിലും 24 സംസ്ഥാന ടീമുകള്‍ പങ്കെടുത്തു. കേരളത്തിനു വേണ്ടി സബ് ജൂനിയര്‍ ടീമില്‍ കളിച്ച സാന്ദ്ര സുരേഷ്, അലന്‍ ജോണ്‍, സാന്ദ്ര ഫിലിപ്പ്, സാജന്‍ കെ. സന്തോഷ്, ഷിബിന്‍ എ. ഷാജി, എന്നിവരും ജൂനിയര്‍ ടീമില്‍ അംഗമായ മില്‍ട്ടണും പരിയാപുരം സെന്റ് മേരീസ് സ്‌കൂളിലെ വിദ്യാര്‍ഥികളാണ്. വെങ്കല മെഡല്‍ നേടി നാട്ടില്‍ തിരിച്ചെത്തിയ കായികതാരങ്ങളെ സ്‌കൂള്‍ മാനേജര്‍ ഡോ.ജേക്കബ് കൂത്തൂരിന്റെ നേതൃത്വത്തില്‍ പാരിഷ് കൗണ്‍സില്‍ അനുമോദിച്ചു.