കോഴിക്കോട്: നാലു വോട്ടിനു വേണ്ടി വര്‍ഗീയ കക്ഷികളുമായി യോജിക്കുന്ന നിലപാട് ആപല്‍കരമാണെന്ന് സി.പി.എം. എസ്.ഡി.പി.ഐയുമായി എവിടെയും സി.പി.എം അധികാരം പങ്കിടുന്നില്ലെന്നും അത്തരത്തില്‍ സഹകരിക്കുന്നവരെ പാര്‍ട്ടിയില്‍ നിന്ന് പുറത്താക്കുമെന്നും സി.പി.എം നേതാവ് എളമരം കരീം പറഞ്ഞു.
എന്നാല്‍ മുസ്‌ലിം ലീഗ് നേരത്തെയും എസ്.ഡി.പി.ഐയുമായി സഹകരിച്ച് തെരഞ്ഞെടുപ്പുകളില്‍ പ്രവര്‍ത്തിച്ചിട്ടുണ്ട്. അവരുടെ കൂടിക്കാഴ്ച യാദൃച്ഛികമായിരുന്നില്ല.
മലപ്പുറത്ത് ഇടതു സ്ഥാനാര്‍ഥികള്‍ ലീഗിന് വലിയ ഭീഷണിയാണ് സൃഷ്ടിക്കുന്നതെന്നും ഇതാണ് ഇത്തരം നീക്കത്തിനു ലീഗിനെ പ്രേരിപ്പിക്കുന്നതെന്നും അദ്ദേഹം പറഞ്ഞു.