കിളിമാനൂര്‍: അക്വാട്ടിക് ക്ലബിന്റെ വാര്‍ഷികവും നീന്തല്‍ മത്സരങ്ങളും പോങ്ങനാട് വെണ്ണിച്ചിറ നീന്തല്‍ പരിശീലന കേന്ദ്രത്തില്‍ നടന്നു. ഫ്രാക്കും കിളിമാനൂര്‍ ഗ്രാമപ്പഞ്ചായത്തിന്റെയും സംയുക്താഭിമുഖ്യത്തില്‍ സംഘടിപ്പിച്ച പരിപാടിയില്‍ സമാപന സമ്മേളനത്തിന്റെ ഉദ്ഘാടനവും സമ്മാന ദാനവും കിളിമാനൂര്‍ ഗ്രാമപ്പഞ്ചായത്ത് വൈസ് പ്രസിഡന്റ് എ. ദേവദാസ് നിര്‍വ്വഹിച്ചു. ഫ്രാക്ക് പ്രസിഡന്റ് ബി.ടി.വിഷ്ണു കുമാര്‍ അധ്യക്ഷനായി. ബേബി ഹരീന്ദ്ര ദാസ് ഡി. രഘു നാഥന്‍, എസ്. സുനില്‍കുമാര്‍, കോച്ച് സുരേഷ്, ഹരിദേവന്‍, വീണാ അനില്‍ എന്നിവര്‍ സംസാരിച്ചു.