ജിദ്ദ: കൊവിഡ് ബാധിച്ചു മലപ്പുറം വഴിക്കടവ് സ്വദേശി ജിദ്ദയിൽ വച്ചു മരിച്ചു. ജിദ്ദ സനാഇയ്യയിൽ ജോലിച്ചെയ്യുന്ന വഴിക്കടവ് സ്വദേശി മുഹമ്മദ് പുതിയത്ത് ആണ് മരിച്ചത്.
കൊവിഡ് പോസിറ്റീവ് കാരണം കിംഗ് അബ്ദുൽ അസീസ് ഹോസ്പിറ്റലിൽ നാലു ദിവസത്തോളമായി ചികിത്സയിൽ ആയിരുന്നു.
ഇതോടെ ഇന്നു ജിദ്ദയിൽ കൊവിഡ് ബാധിച്ചു മരിച്ച മലയാളികളുടെ എണ്ണം മൂന്നായി.
മലപ്പുറം ചട്ടിപ്പറമ്പ് സ്വദേശി പുള്ളിയില്‍ ഉമ്മര്‍ (49) ഇന്നു രാവിലെ ജിദ്ദ നാഷണല്‍ ഹോസ്പിറ്റലില്‍ വച്ചും,മലപ്പുറം തുവ്വൂര്‍ ഐലാശ്ശേരി അസൈനാര്‍പടി സ്വദേശി ആനപ്പട്ടത്ത് മുഹമ്മദലി (49) ജാമിഅ കിംഗ് അബദുല്‍ അസീസ് ആശുപത്രിയിലും വച്ചു ഇന്നു രാവിലെ മരിച്ച മറ്റു മലയാളികൾ. ഇവരുടെ ഖബറടക്ക നടപടിക്രമങ്ങള്‍ക്കായി ജിദ്ദ കെ.എം.സി.സി വെല്‍ഫെയര്‍ വിംഗ് രംഗത്തുണ്ട്.