ബഗ്ദാദ്: ജനക്കൂട്ടം ത്തെ ലക്ഷ്യംവച്ചു നീങ്ങിയ ഐ.എസ് ചാവേറിനെ തടഞ്ഞ മുസ്‌ലിം യുവാവിന്റെ ധീരത സാമൂഹികമാധ്യമങ്ങളില്‍ ചര്‍ച്ചയാകുന്നു. വ്യാഴാഴ്ച രാത്രിയാണ് ബലദിലെ സയ്യിദ് മുഹമ്മദ് ദര്‍ഗയ്ക്കു സമീപം ചാവേര്‍ ആക്രമണത്തിന് ഐ.എസ് ശ്രമിച്ചപ്പോഴാണ് നാജി ശാക്കിര്‍ അല്‍ ബല്‍ദ്വവിയെന്ന യുവാവ് ധീരമായിടപ്പെട്ടത്. ബലദ് സ്വദേശിയായ ശാക്കിര്‍, ചാവേര്‍ ജനക്കൂട്ടത്തിലെത്താതിരിക്കാന്‍ കെട്ടിപ്പിടിക്കുകയായിരുന്നു. തുടര്‍ന്നു ചാവേര്‍ പൊട്ടിത്തെറിക്കുകയായിരുന്നു. സംഭവത്തില്‍ ചാവേറും ശാക്കിറുമടക്കം 35 പേരാണു കൊല്ലപ്പെട്ടത്. 70 പേര്‍ക്ക് പരുക്കേറ്റു. പള്ളിയില്‍ തിരക്കേറിയ സമയത്താണ് സ്‌ഫോടനമുണ്ടായത്.
യുവാവിന്റെ ധീരതയെ പ്രശംസിച്ച് സോഷ്യല്‍മാധ്യമങ്ങളില്‍ പോസ്റ്റുകള്‍ പ്രചരിക്കുകയാണ്. സ്വന്തം ജീവന്‍ വകവയ്ക്കാതെ ബല്‍ദ്വാവി നടത്തിയ ശ്രമം നൂറുകണക്കിന് ആളുകളുടെ ജീവനാണ് രക്ഷിച്ചത്.