കൊച്ചി: താരസംഘടനയായ അമ്മയില്‍ ദിലീപിനെ തിരിച്ചെടുക്കാനുള്ള തീരുമാനത്തിനെതിരെ യൂത്ത് കോണ്‍ഗ്രസ് പ്രതിഷേധം. സംഘടനാ പ്രസിഡന്റ് മോഹന്‍ലാലിന്റെ കൊച്ചി എളമക്കരയിലെ വീടിനു മുന്നിലാണ് യൂത്ത് കോണ്‍ഗ്രസ് പ്രവര്‍ത്തകര്‍ പ്രതിഷേധിച്ചത്.  വീട്ടിലേക്ക് മാര്‍ച്ച് നടത്തിയ പ്രതിഷേധക്കാര്‍ വീടിന്റെ ഗേറ്റില്‍ റീത്ത് വെക്കുകയും ചെയ്തു. മാര്‍ച്ച് പൊലിസ് തടഞ്ഞതോടെ റോഡില്‍ കുത്തിയിരുന്നും പ്രതിഷേധിച്ചു.