കോഴിക്കോട്: കേരള പ്രീമിയര്‍ ലീഗില്‍ ഗോകുലത്തിന് വീണ്ടും തകര്‍പ്പന്‍ വിജയം. ഇന്നലെ നടന്ന മത്സരത്തില്‍ എഫ്.സി കേരളയെ ഒന്നിനെതിരേ രണ്ടു ഗോളുകള്‍ക്കാണ് ഗോകുലം തകര്‍ത്തത്. ഐ ലീഗില്‍ കളിക്കുന്ന വിദേശ താരങ്ങളെ രംഗത്തിറക്കിയായിരുന്നു ഗോകുലം ഇറങ്ങിയത്.കളിയുടെ ആദ്യ 30 മിനുട്ടുകളില്‍ തന്നെ ഗോകുലം രണ്ട് ഗോളുകള്‍ക്ക് മുന്നില്‍ എത്തി. 17ാം മിനുട്ടില്‍ വിദേശ താരം സബായും 30ആം മിനുട്ടില്‍ മായ കണ്ണനും ആയിരുന്നു ഗോകുലത്തിനായി ഗോളുകള്‍ നേടിയത്. രണ്ടാം പകുതിയില്‍ വിക്ടര്‍ ഫിലിപ്പിലൂടെ എഫ്.സി കേരള ഒരു ഗോള്‍ തിരിച്ചടിച്ചു. ഗോകുലം കേരള എഫ്.സിയുടെ ലീഗിലെ മൂന്നാം വിജയമാണിത്. 9 പോയിന്റുള്ള ഗോകുലം ഗ്രൂപ്പ് ബിയില്‍ ഒന്നാമതാണ്.