പട്ടാമ്പി : കുറുവട്ടൂര്‍ കിഴക്കേകരയില്‍ പേപ്പട്ടിയുടെ ആക്രമണത്തില്‍ മൂന്ന് പേര്‍ക്ക് പരുക്ക്.  
വെള്ളിയാഴ്ച വൈകുന്നേരം 5 മണി യോടെയാണ് 84 വയസ്സുള്ള ചക്കാലക്കല്‍ പാര്‍വതിയെ പേപ്പട്ടി ആക്രമിച്ചത്. നെഞ്ചിലും തലയിലും പരുക്കേറ്റ ഇവരെ വീട്ടു കാര്‍ പെട്ടെന്ന് ഇടപെട്ട് രക്ഷപ്പെടുത്തുകയായിരുന്നു.
ശനിയാഴ്ച രാവിലെ പട്ടിയുടെ ആക്രമണത്തില്‍ ശങ്കര തൊടി ആലിയുടെ മകന്‍ അബ്ദുള്‍ അസീസിന് കൈക്കും നെഞ്ചിലും കടിയേറ്റു.  കുളമുള്ളി ആലി മകന്‍  കാസിമിന് നെറ്റിയിലും  കടിയേറ്റു.
പരുക്കേറ്റവര്‍ തൃശൂര്‍ മെഡിക്കല്‍ കോളജ് ആശുപത്രിയില്‍ ചികിത്സയിലാണ്. സമീപ വീടുകളിലെ രണ്ടു പശുക്കള്‍ക്കും കടിയേറ്റിട്ടുണ്ട്.