താമരശേരി: വിശ്വാസികള്‍ വയനാടന്‍ ചുരത്തില്‍ ദുഖവെള്ളിയാഴ്ച കുരിശിന്റെ വഴി ആചരിച്ചു. രാവിലെ ഒന്‍പതിന് അടിവാരത്തുനിന്ന് ആരംഭിച്ച കുരിശിന്റെ വഴിക്ക് ഫാ.ജേക്കപ്പ് മൂരിക്കുന്നില്‍ പീഡാനുഭവ സന്ദേശം നല്‍കി.
പാലാ മറ്റത്തിന്‍പാറയില്‍ നിന്നെത്തിച്ച 940 കിലോ ഭാരമുള്ള മരക്കുരിശ് ചുരത്തില്‍ വിശ്വാസികള്‍ ചുമന്നുകയറ്റി. നൂറുകണക്കിന് വൈദികരും കന്യാസ്ത്രീകളും സംസ്ഥാനത്തിന്റെ വിവിധ ഭാഗങ്ങളില്‍ നിന്നെത്തിയ ആയിരക്കണക്കിന് വിശ്വാസികളും അണിചേര്‍ന്ന കുരിശിന്റെ വഴി 13 കിലോമീറ്ററോളം ചുരം നടന്നുകയറി ലക്കിടി മൗണ്ട് സീനായില്‍ സമാപിച്ചു.
ഡയറക്ടര്‍ ഫാ.തോമസ് തുണ്ടത്തില്‍ സമാപന സന്ദേശം നല്‍കി.
വാവച്ചന്‍ ചെമ്പുകടവ്, തങ്കച്ചന്‍ താഴത്തപറമ്പില്‍, ജോയിസ് എറണാകുളം, ജോസ് ചിലമ്പില്‍, സന്തോഷ് മുണ്ടത്താഴം, എന്നിവര്‍ നേതൃത്വം നല്‍കി.