തിരുവനന്തപുരം: 12 തദ്ദേശ സ്വയംഭരണ വാര്‍ഡുകളില്‍ മെയ് 17ന് ഉപതെരഞ്ഞെടുപ്പ് നടക്കും.
ആറ് ജില്ലകളിലെ ഏഴ് ഗ്രാമപഞ്ചായത്ത് വാര്‍ഡുകളിലും പത്തനംതിട്ട, കോഴിക്കോട്, കണ്ണൂര്‍ ജില്ലകളിലെ നാല് മുനിസിപ്പല്‍ വാര്‍ഡുകളിലും കോഴിക്കോട് ബ്ലോക്ക് പഞ്ചായത്ത് വാര്‍ഡിലുമാണ്് ഉപതെരഞ്ഞെടുപ്പ് പ്രഖ്യാപിച്ചത്.
മാതൃകാപെരുമാറ്റച്ചട്ടം ഇന്നലെ നിലവില്‍ വന്നു. നാമനിര്‍ദേശ പത്രിക 21 മുതല്‍ സമര്‍പ്പിക്കാം.്വപത്രിക സമര്‍പ്പിക്കാനുള്ള അവസാന തിയതി 28. പത്രികകളുടെ സൂക്ഷ്മ പരിശോധന 29നും സ്ഥാനാര്‍ഥിത്വം പിന്‍വലിക്കാനുള്ള അവസാന തിയതി മെയ് രണ്ടുമാണ്.
വോട്ടെടുപ്പ് മെയ് 17ന് നടക്കും. വോട്ടെണ്ണല്‍18 ന്് രാവിലെ 10 ന് ആരംഭിക്കും. ഉപതെരഞ്ഞെടുപ്പു നടക്കുന്ന ജില്ല, തദ്ദേശ സ്ഥാപനം, വാര്‍ഡ് എന്ന ക്രമത്തില്‍. പത്തനംതിട്ട മല്ലപ്പള്ളി ഗ്രാമപഞ്ചായത്ത് 09 കിഴക്കക്കര, ആലപ്പുഴ എഴുപുന്ന ഗ്രാമപഞ്ചായത്ത് 16 കുമാരപുരം, തൃശ്ശൂര്‍ വാടാനപ്പള്ളി ഗ്രാമപഞ്ചായത്ത് 09 നടുവിക്കര വെസ്റ്റ്, മലപ്പുറം ആലങ്കോട് ഗ്രാമപഞ്ചായത്ത് 08 ചിയാന്നൂര്‍, കണ്ണമംഗലം ഗ്രാമപഞ്ചായത്ത് 01 ചെങ്ങാനി, കോഴിക്കോട് ചെക്യാട് ഗ്രാമപഞ്ചായത്ത് 13 പാറക്കടവ്, കണ്ണൂര്‍ പായം ഗ്രാമപഞ്ചായത്ത് 02 മട്ടിണി.
പത്തനംതിട്ട മുനിസിപ്പാലിറ്റി 21 കുമ്പഴ വെസ്റ്റ്, കണ്ണൂര്‍ പയ്യന്നൂര്‍ മുനിസിപ്പാലിറ്റി 21 കണ്ടങ്കാളി നോര്‍ത്ത്, മട്ടന്നൂര്‍ മുനിസിപ്പാലിറ്റി16 ഉരുവച്ചാല്‍.
കോഴിക്കോട് ഫറോക്ക് മുനിസിപ്പാലിറ്റി 38 ഇരിയംപാടം, പന്തലായനി ബ്ലോക്ക് പഞ്ചായത്ത് 09 വെങ്ങളം.