ന്യൂഡല്‍ഹി: ഡല്‍ഹി സംസ്ഥാന ബി.ജെ.പി അധ്യക്ഷന്‍ മനോജ് തിവാരിയെ തല്‍സ്ഥാനത്തുനിന്ന് മാറ്റി. പകരം നോര്‍ത്ത് ഡല്‍ഹി മുന്‍ മുനിസിപ്പല്‍ കോര്‍പറേഷന്‍ മേയര്‍ ആദേശ് ഗുപ്തയെ പ്രസിഡന്റായി നിയമിച്ചിട്ടുണ്ട്. 2016ല്‍ പ്രസിഡന്റായി ചുമതലയേറ്റിരുന്ന മനോജ് തിവാരി, കഴിഞ്ഞ വര്‍ഷത്തെ നിയമസഭാ തെരഞ്ഞെടുപ്പില്‍ പാര്‍ട്ടി പരാജയപ്പെട്ടപ്പോള്‍തന്നെ രാജിസന്നദ്ധത അറിയിച്ചിരുന്നതായാണ് വിവരം.വിവിധ വിഷയങ്ങളില്‍ ആരോപണവിധേയനാകുകയും വിവാദങ്ങളില്‍ നിരന്തരം ചാടുകയും ചെയ്തിരുന്ന മനോജ് തിവാരിയെ മാറ്റണമെന്ന് ബി.ജെ.പിയിലും ആവശ്യമുയര്‍ന്നിരുന്നു.