മുംബൈ: ബിഹാറില്‍ ശ്രമിക് ട്രെയിനില്‍ എത്തിയ സ്ത്രീ പ്ലാറ്റ്‌ഫോമില്‍ മരിച്ചുകിടക്കുന്ന ദൃശ്യം ദിവസങ്ങള്‍ക്കു മുന്‍പ് രാജ്യം ചര്‍ച്ച ചെയ്തതാണ്. മരിച്ചുകിടക്കുന്ന മാതാവിനെ മൂടിയ പുതപ്പ് മാറ്റി അവരെ എഴുന്നേപ്പിക്കാന്‍ പിഞ്ചുകുഞ്ഞ് ശ്രമിക്കുന്ന ദൃശ്യമായിരുന്നു രാജ്യത്തെ കരയിച്ചത്. വിവാദങ്ങളുയരുകയും തൊഴിലാളികളുടെ യാത്രാ വിഷയത്തില്‍ സുപ്രിംകോടതി ഇടപെടുകയും ചെയ്തതിനു പിന്നാലെ, കുട്ടിയെ സഹായിക്കുമെന്ന് പ്രഖ്യാപിച്ചിരിക്കുകയാണ് ബോളിവുഡ് നടനായ ഷാറൂഖ് ഖാന്‍.ഷാറൂഖ് ഖാന്റെ നേതൃത്വത്തിലുള്ള മീര്‍ ഫൗണ്ടേഷനാണ് കുട്ടിയെ ഏറ്റെടുത്തിരിക്കുന്നത്. കുട്ടി കുടുംബത്തിനു കൂടെ ഇരിക്കുന്ന ഫോട്ടോയും ഫൗണ്ടേഷന്‍ പോസ്റ്റ് ചെയ്തിട്ടുണ്ട്. ഇത് ട്വിറ്ററില്‍ ഷെയര്‍ ചെയ്ത ഷാറൂഖ് ഖാന്‍, കുട്ടിക്ക് എല്ലാവിധ പിന്തുണയും അറിയിച്ചിട്ടുമുണ്ട്.