ആദൂര്‍: ക്ഷേത്രത്തില്‍ പോയി തിരിച്ചു വരുന്നതിനിടെ ഭര്‍തൃമതിയെ ഓട്ടോയില്‍ കയറ്റി മാനഭംഗപ്പെടുത്താന്‍ ശ്രമിച്ചതായി പരാതി. സംഭവവുമായി ബന്ധപ്പെട്ട് ഓട്ടോ ഡ്രൈവര്‍ക്കെതിരേ ആദൂര്‍ പൊലിസ് കേസെടുത്തു. ഇരിയണ്ണി സ്വദേശിനിയായ ഭര്‍തൃമതിയുടെ പരാതിയില്‍ വേണുഗോപാല(34)നെതിരേയാണ് പൊലിസ് കേസെടുത്തത്. വിഷുദിനത്തില്‍ രാവിലെയാണു സംഭവം. യുവതി കുതറിയോടി വീട്ടിലെത്തി ഭര്‍ത്താവിനോടും വീട്ടുകാരോടും വിവരം പറയുകയും തുടര്‍ന്ന് പൊലിസില്‍ പരാതി നല്‍കുകയുമായിരുന്നു.