മംഗളൂരു: കുപ്രസിദ്ധ അധോലോക നായകന്‍ രവി പൂജാരിയുടെ കൂട്ടാളിയെ സെന്‍ട്രല്‍ ക്രൈംബ്രാഞ്ച് പൊലിസ് അറസ്റ്റു ചെയ്തു. ഗുലാമിനെയാണ് മംഗളൂരു നഗരത്തിലെ ഒളിസങ്കേതത്തില്‍നിന്ന് പിടികൂടി അറസ്റ്റു ചെയ്തത്.
പൂജാരിയുടെ പേര് പറഞ്ഞ് ഭീഷണിപ്പെടുത്തി പലരില്‍ നിന്നും വന്‍ തുകകള്‍ തട്ടിയെടുത്ത കേസുകളില്‍ പ്രതിയാണ് ഇയാളെന്ന് പൊലിസ് പറയുന്നു. ഈയിടെ ആഫ്രിക്കയിലെ സെനഗലില്‍ പിടിയിലായ രവി പൂജാരിയെ കര്‍ണാടക പൊലിസിന് കൈമാറിയിരുന്നു. ഇതിനു പിന്നാലെയാണ് ഇയാളുടെ കൂട്ടാളിയും പിടിയിലായത്.