ശ്രീകൃഷ്ണപുരം: ചെന്നൈയില്‍നിന്ന് വന്ന് ക്വാറന്റൈനില്‍ കഴിഞ്ഞുവന്ന വയോധിക മരിച്ചു. 

കടമ്പഴിപ്പുറം ചെട്ടിയാംകുന്ന് താഴത്തേതില്‍ പരേതയായ ബാലഗുപ്തന്റെ ഭാര്യ മീനാക്ഷി അമ്മാള്‍(74)ആണ് മരിച്ചത്. കഴിഞ്ഞ ആഴ്ചയാണ് മകനുമൊത്ത് മീനാക്ഷി അമ്മാള്‍ നാട്ടില്‍ തിരികെയെത്തിയത്. മണ്ണമ്പറ്റയിലെ മകന്റെ വീട്ടില്‍ ക്വാറന്റൈനില്‍ കഴിയവേ  ചൊവ്വാഴ്ച ഉച്ചയോടെ കുഴഞ്ഞു വീഴുകയായിരുന്നു. പ്രമേഹ രോഗിയായ മീനാക്ഷി അമ്മാളെ ഉടന്‍ ആശുപത്രിയില്‍ എത്തിച്ചെങ്കിലും രാത്രി എട്ടോടെ മരിക്കുകയായിരുന്നു. 

ക്വാറന്റൈനില്‍ ഇരിക്കവേ നടത്തിയ രണ്ട് കൊവിഡ്  പരിശോധനാ ഫലങ്ങളും നെഗറ്റീവ് ആയിരുന്നു.  മക്കള്‍: ചന്ദ്രിക, കോമളവല്ലി, ലളിത, സുഭദ്ര, ജയന്‍, സുബ്രഹ്മണ്യന്‍, സുനില്‍ദാസ്.