ന്യൂഡല്‍ഹി: ഡല്‍ഹി എ.ഐ.ഐ.എം.എസില്‍ (ഓള്‍ ഇന്ത്യാ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സില്‍) തീപിടിത്തം. ഇന്നലെ ട്രോമാ സെന്ററിലെ ഓപ്പറേഷന്‍ തിയറ്ററിലാണ് തീ കണ്ടത്. സംഭവത്തില്‍ ആര്‍ക്കും പരുക്കില്ലെന്നും നാല് അഗ്നിശമന യൂനിറ്റുകളെത്തിയാണ് തീയണച്ചതെന്നും അധികൃതര്‍ അറിയിച്ചു. കെട്ടിടത്തില്‍ നിന്ന് അഭൂതപൂര്‍വമായി പുക ഉയരുന്നതു കണ്ടതോടെയാണ് വിവരം അഗ്‌നിശമന യൂനിറ്റിനെ അറിയിച്ചത്. തീപിടിത്തത്തിന്റെ കാരണം വ്യക്തമല്ല.