റിയാദ്: യമനുമായി അതിര്‍ത്തി പങ്കിടുന്ന പ്രദേശങ്ങളില്‍ യമനിലെ വിമത വിഭാഗമായ ഹൂതികളുടെ നടന്ന ഏറ്റുമുട്ടലില്‍ മൂന്നു സഊദി സൈനികര്‍ കൊല്ലപ്പെട്ടു.

നജ്‌റാന്‍ അതിര്‍ത്തികളില്‍ രണ്ടു സൈനികരും ജിസാന്‍ അതിര്‍ത്തിയില്‍ ഒരാളുമാണ് കൊല്ലപ്പെട്ടത്. നജ്‌റാന്‍ അതിര്‍ത്തിയില്‍ നടന്ന പോരാട്ടത്തില്‍ സര്‍ജന്റ് അലി മുഹമ്മദ് ഹുസൈന്‍ ദാമിരി, നാഷണല്‍ ഗാര്‍ഡ് ഫോഴ്‌സിലെ സര്‍ജന്റ് മുഖ്ബില്‍ ബിന്‍ ഹുദൈബ് അല്‍ ആസിമി എന്നിവരുമാണ് കൊല്ലപ്പെട്ടത്.

ജിസാനില്‍ അല്‍ ദായിര്‍ സെക്റ്ററില്‍ നടന്ന ആക്രമണത്തില്‍ ഹൂതി മലീഷികള്‍ നടത്തിയ ഷെല്ലാക്രമണത്തിലാണ് ഈസ മിദ്‌വാഹി മുഅബ്ബിര്‍ അല്‍ റൈതി എന്ന സൈനികന്‍ കൊല്ലപ്പെടുകയും മൂന്നു സൈനികര്‍ക്കു പരിക്കേല്‍ക്കുകയും ചെയ്തു.