പെരിങ്ങത്തൂര്‍: ഒളവിലം മേക്കര വീട്ടില്‍ താഴെ രാജീവ് ഭവന്റെ നേതൃത്വത്തില്‍ പ്രദേശത്തെ എസ്.എസ്.എല്‍.സി, പ്ലസ്.ടു. പരീക്ഷകളില്‍ ഉന്നത വിജയം നേടിയ വിദ്യാര്‍ഥികളെ അനുമോദിച്ചു. ദേശീയ അധ്യാപക അവാര്‍ഡ് ജേതാവ് സി.വി.രാജന്‍ അനുമോദന ഭാഷണം നടത്തി. പി.അശോകന്‍ അധ്യക്ഷനായി. ഡല്‍ഹി മലയാളി അസോസിയേഷന്‍ ജനറല്‍ സെക്രട്ടറി സി. ചന്ദ്രന്‍ ഉപഹാര സമര്‍പ്പണം നടത്തി. ചൊക്ലി ഗ്രാമപഞ്ചായത്തംഗം ടി.കെ.ഷീബ, എം.സുലൈമാന്‍, കെ.ചന്ദ്രന്‍, പി.ജയതിലകന്‍, സി.പി.കണ്ണന്‍, വി.ആര്‍.ഷിജില്‍, എം.പി.മനോജ് സംസാരിച്ചു.