പാറശാല: നേരത്തേ പാറശാലയില്‍ പ്രവര്‍ത്തിച്ചിരുന്ന ബിവറേജസ് ഔട്ട്‌ലെറ്റ്  കൊറ്റാമത്തേക്ക് മാറ്റി സ്ഥാപിക്കാനുള്ള അധികൃതരുടെ നീക്കത്തിനെതിരേ നാട്ടുകാരുടെ പ്രതിഷേധം ശക്തമാകുന്നു.  കഴിഞ്ഞ ദിവസം അവര്‍  ആക്ഷന്‍ കൗണ്‍സിലിന് രൂപം നല്‍കി. കൊറ്റാമം ജങ്ഷനില്‍ ചേര്‍ന്ന യോഗം ജില്ലാ പഞ്ചായത്ത് അംഗം അഡ്വ.ബെന്‍ഡാര്‍വിന്‍ ഉദ്ഘാടനം ചെയ്തു.
  ആക്ഷന്‍ കൗണ്‍സില്‍ ചെയര്‍മാന്‍ വില്‍സെന്റ് ജോണ്‍ അധ്യക്ഷനായി.  ഡി.സി.സി ജനറല്‍ സെക്രട്ടറി കൊറ്റാമം വിനോദ് , പാറശാല ബ്ലോക്ക് പഞ്ചായത്തംഗം നിര്‍മ്മലകുമാരി , പാറശാല ഗ്രാമ പഞ്ചായത്തംഗങ്ങളായ ക്രിസ്റ്റല്‍ ഷീബ , സുനില്‍കുമാര്‍ , ബി.ജെ.പി പഞ്ചായത്ത് കമ്മിറ്റി പ്രസിഡന്റ് നെടിയാം കോട് അജയന്‍ , സി.പി.എം പരശുവയ്ക്കല്‍ ബ്രാഞ്ച് കമ്മിറ്റി അംഗം മധു , കൊറ്റാമം മോഹനന്‍ തുടങ്ങിയവര്‍ പങ്കെടുത്തു.