ലണ്ടന്‍: കഴിഞ്ഞ വര്‍ഷം ഓഗസ്റ്റ് മുതല്‍ തന്നെ ചൈനയില്‍ കൊവിഡ് വ്യാപിച്ചുതുടങ്ങിയിരുന്നുവെന്ന് ഹാവഡ് മെഡിക്കല്‍ സ്‌കൂള്‍ ഗവേഷകരുടെ പഠനം.
ചൈനയിലെ ആശുപത്രികളുടെ സാറ്റലൈറ്റ് ചിത്രങ്ങളും തിരച്ചില്‍ വിവരങ്ങളും വച്ചു നടത്തിയ പഠനത്തിലാണ് സംഘം ഈ നിഗമനത്തിലെത്തിയത്. എന്നാല്‍ ഈ കണ്ടെത്തലിനെ ചൈന പുച്ഛിച്ചു തള്ളി.
വുഹാനിലെ ആശുപത്രികളിലെ പാര്‍ക്കിങ് സ്ഥലങ്ങളുടെ ഉയര്‍ന്ന റെസല്യൂഷനുള്ള ചിത്രങ്ങളും കഫം, അതിസാരം തുടങ്ങിയ രോഗലക്ഷണങ്ങളുമായി ബന്ധപ്പെട്ട അന്വേഷണങ്ങളുമാണ് ഗവേഷകര്‍ ഇതിന് ആധാരമാക്കിയത്.
ഹുവാനന്‍ കടല്‍വിഭവ മാര്‍ക്കറ്റില്‍ നിന്ന് വൈറസ് പകര്‍ന്നെന്ന് അധികൃതര്‍ വെളിപ്പെടുത്തുന്നതിനു മുമ്പേ വുഹാനിലെ ആശുപത്രികളില്‍ വന്‍ തിരക്കുണ്ടായിരുന്നെന്നും എന്നാല്‍ ഇത് വൈറസ് മൂലമാണെന്ന് ഉറപ്പിച്ചു പറയാനാകില്ലെന്നും പഠനത്തില്‍ ചൂണ്ടിക്കാട്ടുന്നു.
ഓഗസ്റ്റ് മുതലേ വുഹാനിലെ ആശുപത്രികളില്‍ വാഹന പാര്‍ക്കിങ് കൂടിയിരുന്നു.
പകര്‍ച്ചപ്പനി കാലത്ത് ഇല്ലാത്തത്ര കഫം, അതിസാരം എന്നിവ സംബന്ധിച്ച അന്വേഷണം അതേ മാസം ചൈനയില്‍ വര്‍ധിച്ചതായും പഠനത്തില്‍ കണ്ടെത്തിയിരുന്നു.