മട്ടന്നൂര്‍: ഓടിക്കൊണ്ടിരുന്ന കാറിന് തീപിടിച്ചു. ഇന്നലെ രാവിലെ പത്തോടെ മട്ടന്നൂര്‍-ഇരിട്ടി റൂട്ടില്‍ പെട്രോള്‍ പമ്പിന് സമീപത്തായിരുന്നു സംഭവം.
എല്‍.ഐ.സി ഏജന്റായ കല്ലേരിക്കരയിലെ പി രതീഷിന്റെ ഉടമസ്ഥതയിലുള്ള മാരുതി 800 കാറിനാണ് തീപിടിച്ചത്.
കാറിന്റെ തകരാര്‍ പരിഹരിക്കാന്‍ രതീഷ് കാറുമായി വര്‍ക്ക്‌ഷോപ്പിലേക്ക് പോകുന്നതിനിടെ അമുന്‍ഭാഗത്ത് നിന്നു പുക ഉയരുകയായിരുന്നു. തുടര്‍ന്ന് കാര്‍ നിര്‍ത്തി രതീഷ് പുറത്തിറങ്ങിയ ഉടന്‍ കാര്‍ കത്താന്‍ തുടങ്ങി. വിവരം നല്‍കിയതിന്റെ അടിസ്ഥാനത്തില്‍ സ്റ്റേഷന്‍ ഓഫിസര്‍ എസ്.എസ് നിധിന്‍രാജിന്റെ നേതൃത്വത്തിലെത്തിയ ഫയര്‍ഫോഴ്‌സ് സംഘമാണ് തീ കെടുത്തിയത്.