ദമാം: സഊദി അറേബ്യയിലെ പയ്യന്നൂര്‍ ദേശക്കാരുടെ കൂട്ടായ്മയായ പയ്യന്നൂര്‍ സൗഹൃദവേദി ദമാം കമ്മിറ്റിയുടെ നാലാം വാര്‍ഷിക ആഘോഷം വിവിധ കലാ പരിപാടികളോടെ സംഘടിപ്പിച്ചു.

കുട്ടികളുടെ ചിത്രരചനാ മത്സരം ജയകൃഷ്ണന്‍ മാസ്റ്റര്‍ മത്സരം നിയന്ത്രിച്ചു. കിംസ് സണ്‍സിറ്റി മെഡിക്കല്‍ സെന്ററിന്റെ സഹകരണത്തോടെ സൗജന്യ മെഡിക്കല്‍ ചെക്കപ്പ് അബ്ദുല്‍ മജീദ് ഉത്ഘാടനം ചെയ്തു .

കുട്ടികളുടെയും മുതിര്‍ന്നവരുടെയും വിവിധ കലാപരിപാടികലും അരങ്ങേറി.

രാത്രിനടന്ന സാംസ്‌കാരിക സമ്മേളനം പ്രസിഡന്റ് ബഷീര്‍ മായിന്‍ അധ്യക്ഷതയില്‍ ഇന്ത്യന്‍ എംബസി സ്‌കൂള്‍ മാനേജ്മന്റ് കമ്മിറ്റി മെമ്പര്‍ ശ്രീ നിസാമുദ്ദീന്‍ യാക്കൂബ് ഉദ്ഘാടനം ചെയ്തു.

ജീവകാരുണ്യ ധന സഹായ വിതരണവും നടന്നു. സാമൂഹിക പ്രവര്‍ത്തകരായ നാസ് വക്കം, സിറാജ് പുറക്കാട്, ശിഹാബ് കായംകുളം (ഓ ഐ സി സി )ഇന്ത്യന്‍ എംബസി ഉദ്യോഗസ്ഥന്‍ ശ്രീ തുളസി ഇന്ത്യന്‍ എംബസി സ്‌കൂള്‍ മലയാള വിഭാഗം അധ്യാപകന്‍ ശ്രീ സനില്‍ കുമാര്‍, ബാബു, സംസാരിച്ചു.

സഊദിയില്‍ 25 വര്‍ഷം പൂര്‍ത്തീകരിച്ച പയ്യന്നൂര്‍ സൗഹൃദവേദി അഗങ്ങളായ അബ്ദുല്‍ മജീദ് ,മായിന്‍ ബഷീര്‍, ഭാസ്‌കരന്‍, ഇബ്രാഹിം ,സനൂപ് കുമാര്‍ എന്നിവരെ ചടങ്ങില്‍ ആദരിച്ചു.