കയ്പമംഗലം: ചെന്ത്രാപ്പിന്നിയില്‍ വ്യാപാര സ്ഥാപനത്തില്‍ കയറി യുവാവ് ജീവനക്കാരനെ മര്‍ദിച്ച് പരുക്കേല്‍പ്പിച്ചു. ചെന്ത്രാപ്പിന്നി ചുപ്പിമാളിലെ ബിറ്റ്‌സ് ആന്റ് ബൈറ്റ്‌സ് എന്ന സ്ഥാപനത്തിലെ ജീവനക്കാരനാണ് പരുക്കേറ്റത്. കഴിഞ്ഞ ദിവസം രാത്രിയിലായിരുന്നു സംഭവം. കടയുടമയെ അന്വേഷിച്ചെത്തിയ യുവാവ് ജീവനക്കാരുമായി തര്‍ക്കിക്കുകയും തുടര്‍ന്ന് മര്‍ദിക്കുകയുമായിരുന്നു. കടയിലെ കംപ്യൂട്ടര്‍ ഉള്‍പ്പെടെയുള്ള സാധനങ്ങള്‍ അടിച്ചു തകര്‍ക്കുകയും ചെയ്തു. മര്‍ദനത്തില്‍ പരുക്കേറ്റ പാലപ്പെട്ടി സ്വദേശി ചിഞ്ചുശങ്കറിനെ വലപ്പാട് സര്‍ക്കാര്‍ ആശുപത്രിയില്‍ പ്രവേശിപ്പിച്ചു. സംഭവവുമായി ബന്ധപ്പെട്ട് ചളിങ്ങാട് സ്വദേശി ഷാനുവിനെതിരെ മതിലകം പൊലിസ് കേസെടുത്തു.