പട്ടികജാതിക്കാര്ക്കുള്ള വസ്തു വാങ്ങല് പദ്ധതിയില് അഴിമതി പഞ്ചായത്ത് അസി. സെക്രട്ടറിക്ക് സസ്പെന്ഷന്
വെഞ്ഞാറമൂട്: ഭൂരഹിതരായ പട്ടികജാതിക്കാര്ക്ക് വസ്തു വാങ്ങി നല്കുന്ന പദ്ധതിയില് അഴിമതി നടത്തിയെന്ന പരാതിയില് നെല്ലനാട് ഗ്രാമപഞ്ചായത്തിലെ അസി.സെക്രട്ടറിയെ പഞ്ചായത്ത് പ്രസിഡന്റ് സസ്പെന്റ് ചെയ്തു. പഞ്ചായത്ത് അസി.സെക്രട്ടറി മുഹമ്മദ് ഷരീഫിനെയാണ് പ്രസിഡന്റ് സുജിത്.എസ്.കുറുപ്പ് അന്വേഷണ വിധേയമായി സസ്പെന്റ് ചെയ്തത്.
നെല്ലനാട് ഗ്രാമപഞ്ചായത്തിന്റെ ഭൂരഹിതരായ പട്ടികജാതിക്കാര്ക്കുള്ള വസ്തു വാങ്ങല് പദ്ധതി പ്രകാരം കഴിഞ്ഞ സാമ്പത്തിക വര്ഷത്തില് 16 പേര്ക്ക് മൂന്നുസെന്റ് വസ്തു വാങ്ങുന്നതിന് ഒന്നര ലക്ഷം രൂപ വീതം ധനസഹായം നല്കിയിരുന്നു. ഇതില് ഏഴുപേര്ക്ക് അസി.സെക്രട്ടറി ഇടനിലക്കാരനായി വസ്തു വാങ്ങി നല്കിയത്രേ. ഒരാളുടെ വസ്തു മൂന്നു സെന്റ് വീതം ഏഴുപേര്ക്ക് വീതിച്ച് നല്കുകയായിരുന്നു. ഓരോരുത്തരില് നിന്നും ഒന്നര ലക്ഷം വീതം വസ്തു ഉടമയ്ക്ക് വാങ്ങി നല്കിയെന്നും , ഇവിടെ വസ്തുവിന് ഈ വിലയില്ലെന്നും വസ്തു ഉടമയും അസി.സെക്രട്ടറിയും ചേര്ന്ന് ഒത്തുകളി നടത്തി പണം തട്ടുകയായിരുന്നുവെന്നും പരാതിയില് പറയുന്നു. വീടു വയ്ക്കാന് അനുയോജ്യമല്ലാത്തതും വഴി സൗകര്യമില്ലാത്തതുമായ വസ്തുവാണ് പലര്ക്കും ലഭിച്ചത്. ആനുകൂല്യം ലഭിച്ച 16 പേരില് നിന്നും എഴുത്തു ഫീസ് എന്ന പേരില് 1750 രൂപ വീതം അസി.സെക്രട്ടറി വാങ്ങിയതായും പരാതിയുï്.
പ്രാഥമികാന്വേഷണത്തില് പരാതിയില് കഴമ്പുïെന്ന് ബോധ്യമായതിനാലാണ് നടപടിയെടുത്തതെന്നും പരാതി വിജിലന്സിനു കൈമാറുമെന്നും പഞ്ചായത്ത് പ്രസിഡന്റ് സുജിത്.എസ്.കുറുപ്പ് പറഞ്ഞു.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."