മുള്ളേരിയ: ആദൂരില്‍ ടെമ്പോ ലോറി തടഞ്ഞു നിര്‍ത്തി ഒന്നര ലക്ഷം രൂപയും രണ്ടു മൊബൈല്‍ ഫോണുകളും തട്ടിയെടുത്തുവെന്ന കേസില്‍ ഒരാളെ കൂടി ആദൂര്‍ പൊലിസ് അറസ്റ്റ് ചെയ്തു.
തളങ്കര പട്ടേല്‍ റോഡിലെ ന്യു ക്വാട്ടേഴ്‌സില്‍ താമസക്കാരനും എറണാകുളത്തെ ഒരു ജ്യുസ് കടയിലെ ജീവനക്കാരനുമായ മുസ്താഖ് അഹമ്മദി(21)നെയാണ് കഴിഞ്ഞ ദിവസം മംഗളുരുവിലെ ഒളിതാവളത്തില്‍ നിന്ന് ആദൂര്‍ പൊലിസ് അറസ്റ്റ് ചെയ്തത്. സംഭവം ടെമ്പോ ഡ്രൈവര്‍ ആസൂത്രണം ചെയ്തതെന്നാണ് പൊലിസ് നടത്തിയ അന്വേഷണത്തില്‍ വ്യക്തമായിരുന്നു.
ഇതേ തുടര്‍ന്ന് പരാതിക്കാരനായ ടെമ്പോ ഡ്രൈവര്‍ കളനാട്ടെ ഫാറൂഖിനെ നേരത്തെ അറസ്റ്റ് ചെയ്തിരുന്നു. ഫാറൂഖ് റിമാന്‍ഡിലാണ്.
കേസില്‍ നാലു പ്രതികള്‍ ഉള്ളതായും മറ്റു രണ്ടുപ്രതികളെ തിരിച്ചറിഞ്ഞതായും പൊലിസ് പറഞ്ഞു.