ജിദ്ദ: ഖത്തര്‍ ശൂറാ കൗണ്‍സില്‍ സ്പീക്കര്‍ ജി.സി.സി യോഗത്തില്‍ പങ്കെടുക്കാന്‍ സഊദിയില്‍ എത്തി. സ്പീക്കര്‍ അഹമ്മദ് ബിന്‍ അബ്ദുല്ല സൈദ് മഹ്മൂദ് ആണു കഴിഞ്ഞ ദിവസം ജിദ്ദയിലെത്തിയത്. ജി.സി.സി ഭരണ കൗണ്‍സിലര്‍ തലവന്‍മാരുടെ 12ാമത് യോഗത്തിനു വേണ്ടിയാണ് ഖത്തര്‍ സംഘത്തിന് നേതൃത്വം നല്‍കി അദ്ദേഹം എത്തിയത്. സഊദി സൂറാ കൗണ്‍സില്‍ സെക്രട്ടറി ജനറല്‍ മുഹമ്മദ് ബിന്‍ ദകീല്‍ അല്‍ മുതൈരിയുടെ നേതൃത്വത്തിലുള്ള സംഘം ഖത്തര്‍ പ്രതിനിധികളെ ജിദ്ദ എയര്‍പോട്ടില്‍ സ്വീകരിച്ചു. അതേസമയം നിലവിലെ അവസ്ഥയില്‍ ഖത്തര്‍ സംഘത്തിന്റെ ജി.സി.സി യോഗത്തിനുള്ള സാന്നിധ്യത്തിനു വലിയ പ്രധാന്യമാണുള്ളത്.