ആദൂര്‍: കാറില്‍ കടത്തുകയായിരുന്ന ആറു കിലോ കഞ്ചാവ് പിടികൂടിയ കേസില്‍ രണ്ടു പേര്‍ കൂടി അറസ്റ്റില്‍. കൊല്ലം സ്വദേശി രാഹുല്‍നാഥ്(23), കൊട്ടാരക്കര സ്വദേശി എം.എസ് രാഹുല്‍(27) എന്നിവരെയാണ് ആദൂര്‍ സി.ഐ സിബി തോമസിന്റെ നേതൃത്വത്തിലുള്ള പൊലിസ് സംഘം പിടികൂടിയത്.
പ്രതികളെ കൂടുതല്‍ ചോദ്യം ചെയ്യുന്നതോടെ തമിഴ്‌നാട് തേനിയില്‍ നിന്നും കേരളത്തിലേക്ക് കഞ്ചാവ് കടത്തുന്നതിനെ പറ്റിയുള്ള കൂടുതല്‍ വിവരങ്ങള്‍ അറിയാന്‍ സാധിക്കുമെന്ന പ്രതീക്ഷയിലാണ് പൊലിസ്.
രണ്ടു കാറുകളിലായി ആറു കിലോ കഞ്ചാവ് കടത്താന്‍ ശ്രമിക്കുന്നതിനിടെ കഴിഞ്ഞ ആറിന് മറ്റു രണ്ടു പേരെയും കാറുകളും പൊലിസ് പിടികൂടിയിരുന്നു.
ഇപ്പോള്‍ പിടിയിലായ രണ്ടു പേരും അന്ന് പൊലിസിനെ വെട്ടിച്ച് രക്ഷപ്പെടുകയായിരുന്നു.