ആലുവ : കഞ്ചാവ് വില്‍പനയ്ക്കിടെ യുവാക്കാളെ എക്‌സൈസ് സംഘം പിടികൂടി. ചൂര്‍ണ്ണിക്കര കളപ്പുരക്കല്‍ വീട്ടില്‍ മിഷേല്‍ (20), മട്ടാഞ്ചേരി പുതിയേടത്തു സനൂപ് (21) എന്നിവരെയാണു പിടിയിലായത്.
ആലുവ പറവൂര്‍ കവലയില്‍ കഞ്ചാവ് വില്‍പന നടത്തുന്നതിനടയിലാണു ഇവരെ ആലുവ എക്‌സൈസ് റേഞ്ച് ഇന്‍സ്‌പെക്ടര്‍ ഇ.കെ റെജിമോന്റെ നേതൃത്വത്തില്‍ പിടികൂടിയത്. 250 ഗ്രാം കഞ്ചാവും, വില്‍പനയ്ക്കായി ഉപയോഗിച്ചു വരുന്ന ഡ്യൂക്ക് ബൈക്കും കണ്ടെടുത്തിട്ടുണ്ട്.
മൊബൈല്‍ ഫോണ്‍ മുഖാന്തിരം ആവശ്യക്കാരുമായി ബന്ധപ്പെട്ടു കൊണ്ടാണു ഇവര്‍ വില്‍പന നടത്തിയിരുന്നത്.
റെയ്ഡില്‍ ഗ്രേഡ് പ്രിവന്റീവ് ഓഫീസര്‍ എ.ബി. സജീവ് കുമാര്‍, സിവില്‍ എക്‌സൈസ് ഓഫീസര്‍മാരായ എം.എം അരുണ്‍ കുമാര്‍, റ്റി.എന്‍. ശ്രീരാജ്, ജെ. അഭിലാഷ് എന്നിവര്‍ പങ്കെടുത്തു.