തിരുവനന്തപുരം: വിദേശരാജ്യങ്ങളില്‍ നിന്നെത്തി ഇതര സംസ്ഥാനങ്ങളില്‍ കുടുങ്ങിക്കിടക്കുന്ന മലയാളികളെ കേരളത്തിലെത്തിക്കാന്‍ നടപടി സ്വീകരിക്കണമെന്നാവശ്യപ്പെട്ട് സംസ്ഥാന സര്‍ക്കാര്‍ കേന്ദ്ര സര്‍ക്കാരിനു കത്തയച്ചു. 

കേരളത്തിലേക്ക് നേരിട്ടുള്ള വിമാനം കിട്ടാതെ മറ്റു സംസ്ഥാനങ്ങളിലെ വിമാനത്താവളത്തിലിറങ്ങുകയും പിന്നീട് യാത്രാ മാര്‍ഗങ്ങളില്ലാത്തതിനാല്‍ അവിടെ കുടുങ്ങുകയും ചെയ്ത കേസുകള്‍ വര്‍ധിച്ച സാഹചര്യത്തിലാണ് സര്‍ക്കാര്‍ നടപടി. കൊവിഡ് ജാഗ്രതാ പോര്‍ട്ടലില്‍ രജിസ്റ്റര്‍ ചെയ്ത യാത്രക്കാരെ വിമാനമാര്‍ഗമോ ട്രെയിന്‍ വഴിയോ റോഡു വഴിയോ കേരളത്തിലെത്തിക്കാന്‍ മറ്റുള്ള സംസ്ഥാനങ്ങളോട് നിര്‍ദേശിക്കണമെന്ന് കത്തില്‍ ആവശ്യപ്പെട്ടു.