ചെറുതോണി: ഇടുക്കി-നേര്യമംഗലം സംസ്ഥാനപാതയില്‍ കീരിത്തോട് പകുതിപാലത്ത് ചരക്കുലോറിയും സ്വകാര്യ ബസ്സും കൂട്ടിയിടിച്ചു.
അപകടത്തില്‍ ബസ്സിനും ലോറിക്കും കേടുപാടുകള്‍ സംഭവിച്ചെങ്കിലും ഇരു വാഹനത്തിലുണ്ടായിരുന്ന യാത്രക്കാര്‍ പരിക്കുകളില്ലാതെ രക്ഷപ്പെട്ടു. ബുധനാഴ്ച രാവിലെ 7 നായിരുന്നു അപകടം.ഇടുക്കിയില്‍ നിന്നും മാങ്കുളത്തിന് പോകുകയായിരുന്ന സ്വകാര്യ ബസ്സാണ് അപകടത്തില്‍പ്പെട്ടത്.
എതിരെ വന്ന ചരക്ക് ലോറി തെറ്റായ ദിശയില്‍ വന്ന് ബസ്സില്‍ ഇടിക്കുകയായിരുന്നു. അപകടം ഒഴിവാക്കുന്നതിന് ബസ് സൈഡിലേയ്ക്ക് ഒതുക്കിയെങ്കിലും ലോറി വന്ന് ഇടിക്കുകയായുന്നുയെന്ന് ദൃക്‌സാക്ഷികള്‍ പറഞ്ഞു. ചൊവ്വാഴ്ച്ച ഉച്ചകഴിഞ്ഞ് പകുതിപാലത്തിന് സമീപം കെ.എസ്.ആര്‍ടി.സി.യും സ്വകാര്യ ബസ്സും കൂട്ടിയിടിച്ച് 35 പേര്‍ക്ക് പരിക്കേറ്റിരുന്നു.
വാഹനങ്ങളുടെ അമിത വേഗതയാണ് അപകടത്തിന് കാരണമെന്ന് നാട്ടുകാര്‍ ആരോപിച്ചു.