കുറുപ്പന്തറ: മാഞ്ഞൂര്‍ പഞ്ചായത്തിലെ ഒന്ന്, രണ്ട്, മൂന്ന് വാര്‍ഡുകളില്‍ 13 പേര്‍ക്ക് മഞ്ഞപ്പിത്തം സ്ഥിരീകരിച്ചു.കഴിഞ്ഞ ദിവസം 11 പേര്‍ക്കാണ് മഞ്ഞപ്പിത്ത ബാധിതരായി ആരോഗ്യ വകുപ്പ് റിപ്പോര്‍ട്ട് നല്‍കിയിരുന്നത്.നിരീക്ഷണത്തിലിരുന്ന എട്ടു പേരില്‍ രണ്ടു പേര്‍ക്കു കൂടി പഞ്ചപ്പിത്തം പടര്‍ന്നതോടെ ഇപ്പോള്‍ 13 പേര്‍ ചികിത്സ തേടിയിരിക്കുകയാണ്. മഞ്ഞപ്പിത്തം പടരുന്ന സാഹചര്യത്തില്‍ ആരോഗ്യവകുപ്പിന്റെയും, പഞ്ചായത്തിന്റെയും നേതൃത്വത്തില്‍ മുഴുവന്‍ വാര്‍ഡുകളിലും ആരോഗ്യ ദിനം ആചരിച്ചു. മലിനജലം നീക്കം ചെയ്യലടക്കമുള്ള ശുചീകരണ പ്രവര്‍ത്തനങ്ങള്‍ നടത്തി. 850 ഓളം സന്നദ്ധ പ്രവര്‍ത്തകര്‍ ശുചീകരണ പ്രവര്‍ത്തനങ്ങള്‍ക്കിറങ്ങി.