കുവൈത്ത് സിറ്റി: മേഖലയിൽ ഇറാൻ്റെ ഡ്രോൺ-മിസൈൽ ആക്രമണങ്ങൾ തുടരുന്നതിനിടെ, കുവൈത്തിൽ രണ്ട് അതിർത്തി സുരക്ഷാ ഉദ്യോഗസ്ഥർ കൊല്ലപ്പെട്ടു. രാജ്യത്തിനെതിരെയുള്ള ആക്രമണങ്ങൾ ശക്തമായി തുടരുന്ന പശ്ചാത്തലത്തിൽ, ഡ്യൂട്ടിയിലിരിക്കെയാണ് ഉദ്യോഗസ്ഥർ കൊല്ലപ്പെട്ടതെന്ന് ആഭ്യന്തര മന്ത്രാലയം സ്ഥിരീകരിച്ചു.

ALSO READ: മിസൈൽ അവശിഷ്ടങ്ങൾ അപകടമായേക്കാം; സുരക്ഷാ മുന്നറിയിപ്പുമായി കുവൈത്ത് സൈന്യം

വാറന്റ് ഓഫീസർ അബ്ദുല്ല ഇമാദ് അൽ-ഷറ, മേജർ ഫഹദ് അബ്ദുൽ അസീസ് അൽ-മജ്മൈദ് എന്നിവരാണ് മരിച്ചത്. ഇരുവരും ഇന്ന് പുലർച്ചെയാണ് കൊല്ലപ്പെട്ടതെന്ന് കുവൈത്ത് ന്യൂസ് ഏജൻസി (KUNA) റിപ്പോർട്ട് ചെയ്തു. എന്നാൽ ഇവരുടെ മരണത്തിന്റെ കൃത്യമായ സാഹചര്യമോ പ്രദേശം സംബന്ധിച്ച വിവരങ്ങളോ മന്ത്രാലയം ഔദ്യോഗികമായി വെളിപ്പെടുത്തിയിട്ടില്ല.

ALSO READ: ലിങ്കുകളിൽ ക്ലിക്ക് ചെയ്യും മുൻപ് ജാഗ്രത; സൈബർ തട്ടിപ്പുകാർക്കെതിരെ കുവൈത്ത് ആഭ്യന്തര മന്ത്രാലയം

ഉദ്യോഗസ്ഥരുടെ അപ്രതീക്ഷിത വിയോഗത്തിൽ ആഭ്യന്തര മന്ത്രാലയം അഗാധമായ ദുഃഖം രേഖപ്പെടുത്തി. മേഖലയിൽ സംഘർഷം രൂക്ഷമാകുന്ന സാഹചര്യത്തിൽ അതിർത്തികളിൽ സുരക്ഷാ പരിശോധനകളും ജാഗ്രതയും ശക്തമാക്കിയിട്ടുണ്ട്.

two border security officers were killed while on duty in kuwait as iranian attacks in the region continue to escalate. authorities have heightened security measures amid rising tensions and warned of possible further threats in the gulf region.