മലപ്പുറം: മലപ്പുറത്തുനിന്ന് ഊട്ടിയിലേക്കുള്ള കെഎസ്ആർടിസി സർവിസിന് ഇനി പുതിയ പ്രീമിയം ബസ്. 'പ്രീമിയം സൂപ്പർ ഫാസ്റ്റ്' ബസ് സർവിസ് മലപ്പുറം കെഎസ്ആർടിസി ബസ് സ്റ്റാൻഡിൽ പി. ഉബൈദുള്ള എംഎൽഎ ഫ്ളാഗ് ഓഫ് ചെയ്തു.

എല്ലാ ദിവസവും രാവിലെ 11 മണിക്ക് മലപ്പുറത്ത് നിന്ന് പുറപ്പെട്ട് വൈകീട്ട് 4 മണിക്ക് ഊട്ടിയിലെത്തും. തുടർന്ന്, വൈകീട്ട് 4.40-ന് ഊട്ടിയിൽ നിന്ന് തിരിക്കുന്ന ബസ് രാത്രി 10 മണിയോടെ മലപ്പുറത്ത് എത്തും. ഒരാൾക്ക് 186 രൂപയാണ് ടിക്കറ്റ് നിരക്ക്.

ALSO READ: എറണാകുളത്ത് വെച്ച് വന്ദേ ഭാരത് ട്രെയിനിന് നേരെ കല്ലേറ്; അന്വേഷണം തുടങ്ങി

കൂടാതെ, ഇതേ ബസ് തന്നെ പുലർച്ചെ 4 മണിക്ക് മലപ്പുറത്ത് നിന്ന് ഗൂഡല്ലൂരിലേക്കും സർവിസ് നടത്തുന്നുണ്ട്. 40 വർഷത്തിലേറെയായി ഈ റൂട്ടിൽ കെഎസ്ആർടിസി നടത്തുന്ന സർവിസിന് വ്യാപാരികളുടെയും വിനോദസഞ്ചാരികളുടെയും ഇടയിൽ വലിയ ജനപ്രീതിയുണ്ട്. പുതിയ ബസ് എത്തിയതോടെ യാത്ര കൂടുതൽ സുഖകരമാകുമെന്ന പ്രതീക്ഷയിലാണ് യാത്രക്കാർ.

ഡിപ്പോയിൽ നടന്ന ചടങ്ങിൽ നഗരസഭ കൗൺസിലർ ഹാരിസ് ആമിയൻ, അസിസ്റ്റന്റ് ട്രാൻസ്പോർട്ട് ഓഫിസർ അനസ് മുണ്ടകവളപ്പിൽ തുടങ്ങിയവരും പങ്കെടുത്തു.

The Kerala State Road Transport Corporation (KSRTC) has introduced a new 'Premium Super Fast' bus service from Malappuram to Ooty. The service was flagged off by MLA P. Ubaidulla at the Malappuram KSRTC bus stand.