ജിദ്ദ: ട്രാഫിക് പോലിസില്‍ വൈകാതെ വനിതകളെ നിയമിക്കുമെന്ന് ട്രാഫിക് ഡയരക്ടറേറ്റ് മേധാവി മേജര്‍ ജനറല്‍ മുഹമ്മദ് അല്‍ ബസ്സാമി പറഞ്ഞു. പുരുഷന്മാരായ ട്രാഫിക് പോലിസ് ഉദ്യോഗസ്ഥരെ പോലെ വനിതകളും സേവനമനുഷ്ഠിക്കും.

 

പൊതു സുരക്ഷാ വകുപ്പ് മേധാവിയുടെ നിര്‍ദ്ദേശാനുസരണം വിവിധ സുരക്ഷാവകുപ്പുകളില്‍ നിയമിക്കുന്നതിന് ഒരു കൂട്ടം സഊദി വനിതകള്‍ക്ക് പരിശീലനം നല്‍കിയിട്ടുണ്ട്. ഇക്കൂട്ടത്തില്‍ ഒരു വിഭാഗത്തെ ട്രാഫിക് പോലിസില്‍ നിയമിക്കും. അവശേഷിക്കുന്നവരെ പട്രോള്‍ പോലിസിലും നിയമിക്കും.വനിതകള്‍ക്ക് െ് െ്രെഡവിംങ് ലൈസന്‍സ് അനുവദിക്കുന്നതിന് ട്രാഫിക് ഡയരക്ടറേറ്റ് കൂടുതല്‍ സൗകര്യങ്ങള്‍ ഏര്‍പ്പെടുത്തി വരികയാണ് അല്‍ബഹ,ഹായില്‍,അല്‍ഖസിം ,നജ്‌റാന്‍ എന്നിവിടങ്ങളില്‍ വൈകാതെ ലേഡീസ് ഡ്രൈവിങ്‌ സ്‌കൂളുകള്‍ പ്രവര്‍ത്തനം ആരംഭിക്കും.

 

അല്‍ഹസയില്‍ ലേഡീസ് ഡ്രൈവിങ്‌ സ്‌കൂള്‍ സ്ഥാപിക്കുന്നതിന് സഊദി അരാംക്കോ കമ്പനിയുമായി ട്രാഫിക്ഡയരക്ടറേറ്റ് കഴിഞ്ഞ ദിവസം കാരാര്‍ ഒപ്പു വെച്ചു.നിലവില്‍ സഊദിയില്‍ ഏഴ് വനിതാ ഡ്രൈവിങ്‌ സ്‌കൂളുകളാണുള്ളത്.