പൊന്നാനി: പൊന്നാനിയില്‍ ഓലമേഞ്ഞ വീട് കത്തിനശിച്ചു. കഴിഞ്ഞ ദിവസം രാത്രിയിലാണ് സംഭവം.
പൊന്നാനി നഗരസഭയിലെ 45-ാം വാര്‍ഡില്‍ പൊന്നാനി പൊലിസ് സ്റ്റേഷന് പിന്‍വശം താമസിക്കുന്ന ചെറിയകത്ത് മൊയ്തുണ്ണിയുടെ വീടിനാണ് കഴിഞ്ഞ ദിവസം രാത്രി എട്ടരയോടെ അഗ്‌നിബാധയുണ്ടായത്.
അടുക്കള ഭാഗത്ത് നിന്നുംതീ പടര്‍ന്നതോടെ വീടിനകത്തെ സാധന സാമഗ്രികള്‍ കത്തിനശിച്ചു. വീട്ടിലെ പലഹാര നിര്‍മാണ യൂനിറ്റില്‍ നിര്‍മിച്ച പലഹാരങ്ങളും കത്തിനശിച്ചു. തീ പടരുന്നത് കണ്ട് ഓടി കൂടിയ നാട്ടുകാര്‍ തീ അണച്ചതോടെ വലിയ ദുരന്തം ഒഴിവായി. ഒരു ലക്ഷം രൂപയുടെ നാശനവും കണക്കാക്കുന്നു.