കൊല്ലം: നാഷണല്‍ ചൈല്‍ഡ് ഡെവലപ്പ്‌മെന്റ് കൗണ്‍സില്‍(എന്‍.സി.ഡി.സി) കേരള റീജയണിന്റെ ആഭിമുഖ്യത്തില്‍ സംഘടിപ്പിക്കുന്ന ദിദ്വിന സൗജന്യ അഡ്വാന്‍സ്ഡ് മെഡിറ്റേഷന്‍ പരിശീലനം ഇന്ന് പബ്ലിക് ലൈബ്രറി സരസ്വതി ഹാളില്‍ നടക്കും. ചടങ്ങില്‍ സാമൂഹ്യ സേവനരംഗത്ത് പ്രവര്‍ത്തിക്കുന്നവരെ ആദരിക്കും. രാവിലെ 9.30ന് നടക്കുന്ന ചടങ്ങ് കൊല്ലം മുനിസിപ്പല്‍ കോര്‍പ്പറേഷന്‍ മേയര്‍ അഡ്വ. വി. രാജേന്ദ്രബാബു ഉദ്ഘാടനം ചെയ്യും. സാമൂഹ്യപ്രവര്‍ത്തകരായ അബ്ബാ മോഹന്‍, സിദ്ദീഖ് മംഗലശേരി, ദേശീയ അവാര്‍ഡ് ജേതാവ് ആര്‍. രാധാകൃഷ്ണന്‍, പി.എസ്. ബാനര്‍ജി, മാന്ത്രികന്‍ ഹാരിസ് താഹാ എന്നിവരെ ചടങ്ങില്‍ പുരസ്‌കാരം നല്‍കി ആദരിക്കും.
ഒരു ലോകം ഒരു ഭാഷ പ്രസ്ഥാനത്തിന്റെ സ്ഥാപകന്‍ ബാബ അലക്‌സാണ്ടര്‍(ന്യൂഡല്‍ഹി) പരിശീലനത്തിന് നേതൃത്വം നല്‍കും. വൈകീട്ട് അഞ്ച് വരെയാണ് പരിശീലനം. മനോനിയന്ത്രണത്തിനുള്ള വിദ്യകള്‍, വിവിധ പ്രാണായാമകള്‍, വിവിധ മെഡിറ്റേഷനുകള്‍ തുടങ്ങിയ വിഷയങ്ങളില്‍ അഡ്വാന്‍സ്ഡ് തിയറി, പ്രായോഗിക പരിശീലനമുണ്ടാകും. 16 വയസിന് മുകളിലുള്ളവര്‍ക്കാണ് പ്രവേശനം. മുന്‍കൂട്ടി രജിസ്റ്റര്‍ ചെയ്യാത്തവര്‍ക്കും പ്രവേശനമുണ്ടാകും.