കാര്‍ത്തികപ്പള്ളി: കൃഷിവകുപ്പും തദ്ദേശ സ്വയം ഭരണ സ്ഥാപനങ്ങളും നടപ്പിലാക്കുന്ന കാര്‍ഷിക പദ്ധതികളെക്കുറിച്ച് ജനങ്ങള്‍ക്ക് അവബോധം നല്‍കുന്നത് ലക്ഷ്യമിട്ട് നടപ്പിലാക്കുന്ന കര്‍ഷക ഗ്രാമസഭ കാര്‍ത്തികപ്പള്ളി ഗ്രാമപഞ്ചായത്തിലെ വാര്‍ഡുകളില്‍ നടന്നു. പത്താം വാര്‍ഡില്‍ നടന്ന ഗ്രാമസഭയുടെ ഉദ്ഘാടനം ഹരിപ്പാട് ബ്ലോക്ക് പഞ്ചായത്ത് പ്രസിഡന്റ് ബിജുകൊല്ലശേരി ഉദ്ഘാടനം ചെയ്തു. പഞ്ചായത്തംഗം ബിനു ഷാംജി അധ്യക്ഷത വഹിച്ചു. 11 വാര്‍ഡ് ഗ്രാമസഭ പഞ്ചായത്ത് പ്രസിഡന്റ് ജിമ്മി വി.കൈപ്പള്ളി ഉദ്ഘാടനം ചെയ്തു. എസ്.ശോഭ അധ്യക്ഷതവഹിച്ചു. ഒന്നാം വാര്‍ഡ് ഗ്രാമസഭ പഞ്ചായത്ത് വൈസ്പ്രസിഡന്റ് എസ്.അല്ലിറാണി ഉദ്ഘാടനം ചെയ്തു. ആര്‍.അമ്പിളി അധ്യക്ഷതവഹിച്ചു. കൃഷി ഓഫീസര്‍ ആര്‍.സുനില്‍കുമാര്‍, ജി.ഹരികുമാര്‍, എം.ഷമീര്‍, ജെംസി കുര്യന്‍, അസിജ എന്നിവര്‍ കാര്‍ഷിക പദ്ധതികള്‍ വിശദീകരിച്ചു.