അബൂദബി: ചൂടില്‍നിന്ന് തണുപ്പിലേക്കു കടന്നതോടെ യുഎഇയില്‍ പകര്‍ച്ചപ്പനി (ഇന്‍ഫ്‌ലുവന്‍സ) ബാധിതരുടെ എണ്ണം കൂടുന്നു. പനി, ജലദോഷം, ചുമ, തുമ്മല്‍, മൂക്കൊലിപ്പ്, ചെവിവേദന തുടങ്ങിയ രോഗലക്ഷണങ്ങളുമായി ഒട്ടേറെപ്പേരാണ് സര്‍ക്കാര്‍, സ്വകാര്യ ആശുപത്രികളിലും ക്ലിനിക്കുകളിലും ദിവസേന എത്തുന്നത്. രോഗബാധ കൂടുതലായി കണ്ടുവരുന്നത് കുട്ടികളിലും പ്രായമായവരിലുമാണ്. അതിനാല്‍, എല്ലാവരും പകര്‍ച്ചപ്പനിക്കെതിരെ വാക്‌സിന്‍ എടുക്കണമെന്ന് ആരോഗ്യവിദഗ്ധര്‍ നിര്‍ദേശിച്ചു.

ശൈത്യകാലത്ത് പൊതുവേ കണ്ടുവരുന്ന രോഗമാണ് ഇന്‍ഫ്‌ലുവന്‍സ. ദിവസങ്ങളോളം നീണ്ടുനില്‍ക്കുന്ന പനി, ജലദോഷം, തുമ്മല്‍, തലവേദന, തലകറക്കം, വിശപ്പില്ലായ്മ, കഫക്കെട്ട്, വയറുവേദന, ഛര്‍ദി, ക്ഷീണം തുടങ്ങിയവയാണ് രോഗത്തിന്റെ പ്രധാന ലക്ഷണങ്ങള്‍. പകര്‍ച്ചപ്പനി ചികിത്സിച്ചു മാറ്റാവുന്നതാണ്. കുട്ടികള്‍ക്കു രോഗം പിടിപെട്ടാല്‍ 48 മണിക്കൂറിനകം ഡോക്ടറെ കാണിക്കണം, കൂടാതെ, ആസ്മ ഉള്‍പ്പെടെയുള്ള ശ്വാസകോശ രോഗങ്ങള്‍ ഉള്ളവരും ഡോക്ടറുടെ സഹായം തേടണം.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

Explore the correlation between climate change and rising malaria cases in the UAE, and discover the latest health advisories and prevention measures.