എടവണ്ണപ്പാറ: ഓമാനൂര്‍ കമ്മ്യൂണിറ്റി ഹെല്‍ത്ത് സെന്റര്‍ കേന്ദ്രീകരിച്ച് ചീക്കോട് പഞ്ചായത്ത് മുസ്‌ലിം യൂത്ത് ലീഗിന് കീഴില്‍ പ്രവര്‍ത്തിക്കുന്ന സി.എച്ച് സെന്ററിന് കെട്ടിടം നിര്‍മിക്കുന്നു. ജിദ്ദ ചീക്കോട് പഞ്ചായത്ത് കെ.എം.സി.സി കമ്മിറ്റിക്ക് കീഴിലാണ് സി.എച്ച്.സിക്ക് സമീപം തന്നെ കെട്ടിടം ഒരുങ്ങുന്നത്.
കെട്ടിട നിര്‍മാണത്തിനാവശ്യമായ സ്ഥലം വാങ്ങാനുള്ള തുക പാണക്കാട്ട് വെച്ച് നടന്ന ചടങ്ങില്‍ കെ.എം.സി.സി നേതാക്കളായ നാസര്‍ ഒളവട്ടൂര്‍, അസൈന്‍ ഓമാനൂര്‍ എന്നിവര്‍ ചേര്‍ന്ന് സയ്യിദ് ഹൈദരലി ശിഹാബ് തങ്ങള്‍ക്ക് കൈമാറി.
പഞ്ചായത്ത് മുസ്‌ലിം ലീഗ്, യൂത്ത് ലീഗ് നേതാക്കളായ കെ.സി ഗഫൂര്‍ ഹാജി, ഇമ്പിച്ചിമോതി മാസ്റ്റര്‍, ഇസ്രത്ത് അസീസ്, മുബഷിര്‍ ഓമാനൂര്‍, ശിഹാബ് മുണ്ടക്കല്‍, സി.എച്ച് സെന്റര്‍ ഭാരവാഹികളായ അലവി ഹാജി കാവുങ്ങല്‍, പി.കെ.എ സിദ്ദീഖ്, അഡ്വ. പി.കെ ശിഹാബുദ്ദീന്‍, അബ്ദുറഹ്മാന്‍ മാസ്റ്റര്‍ മുണ്ടക്കല്‍, റഫീഖ് മാസ്റ്റര്‍ മധുരക്കുഴി, സമദ് പൊന്നാട്, പി എം ബാപ്പു, അസീസ് കൊടക്കാട്ടില്‍, നാസര്‍ കൂട്ടറായില്‍, എം.പി മുജീബ് , ഷാക്കിര്‍, ജാബിര്‍ തുടങ്ങിയവര്‍ സംബന്ധിച്ചു.