ചാത്തന്നൂര്‍: ലീഡര്‍ കെ. കരുണാകരന്‍ കേരളം കണ്ട മികച്ച ഭരണാധികാരിയാണെന്നും മാതൃകയാക്കാവുന്ന രാഷ്ട്രീയ നേതാവുമാണെന്ന് ഡി.സി.സി മുന്‍ പ്രസിഡന്റ് ഡോ. ജി. പ്രതാപവര്‍മ്മ തമ്പാന്‍ അഭിപ്രായപ്പെട്ടു.
പരവൂര്‍ ബ്ലോക്ക് കോണ്‍ഗ്രസ് കമ്മിറ്റി പരവൂരില്‍ സംഘടിപ്പിച്ച ലീഡറുടെ നൂറാം ജന്മദിനാഘോഷം ഉദ്ഘാടനം ചെയ്യുകയായിരുന്നു അദ്ദേഹം
കോണ്‍ഗ്രസ് ബ്ലോക്ക് പ്രസിഡന്റ് പരവൂര്‍ സജീബ് അധ്യക്ഷനായി. കെ.പി.സി.സി നിര്‍വാഹക സമിതി അംഗം നെടുങ്ങോലം രഘു, യു.ഡി.എഫ് ചെയര്‍മാന്‍ പരവൂര്‍ രമണന്‍, ഡി.സി.സി ജനറല്‍ സെക്രട്ടറി എ. ഷുഹൈബ്, മണ്ഡലം പ്രസിഡന്റുമാരായ എസ്. സുനില്‍കുമാര്‍ സജീവ് സജിഗത്തില്‍, നെല്ലേറ്റില്‍ ബാബു, കൗണ്‍സിലര്‍ വി. പ്രകാശ്, യൂത്ത് കോണ്‍ഗ്രസ് ബ്ലോക്ക് പ്രസിഡന്റ് രഞ്ജിത്ത് പരവൂര്‍, വട്ടകുഴി മുരളീധരന്‍പിള്ള, ബിജു പാരിപ്പളി, സി. മോഹനന്‍ പിള്ള സംസാരിച്ചു.