തൃശൂര്‍: വിദ്യ മാനവ നന്മക്ക് എന്ന പ്രമേയത്തില്‍ സമസ്ത കേരള ജംഇയ്യത്തുല്‍ മുദരിസീന്‍ തൃശൂര്‍ ജില്ലാ കമ്മിറ്റി സംഘടിപ്പിച്ച ജില്ലാ മുതഅല്ലിം കോണ്‍ഫറന്‍സ് പന്നിത്തടം ഇന്റര്‍നാഷനല്‍ കണ്‍വന്‍ഷന്‍ സെന്ററിലെ വാദി ഹിക്മയില്‍ പ്രൗഢമായി സമാപിച്ചു. ജില്ലയിലെ നാല്‍പതോളം വരുന്ന ദര്‍സ്അറബിക് കോളജുകളിലെ ആയിരത്തോളം വിദ്യാര്‍ഥികളും നൂറില്‍പരം മുഅല്ലിമുമാരും മാനേജ്‌മെന്റ് ഭാരവാഹികളും സംബന്ധിച്ച സംഗമം ജില്ലയില്‍ പുതു ചരിത്രം രചിച്ചു.
പന്നിത്തടം കൊച്ചു കോയ തങ്ങള്‍ മഖാം സിയാറത്തോടെ പ്രാരംഭം കുറിച്ച സംഗമത്തിന്റെ പതാക ഉയര്‍ത്തല്‍ കര്‍മം ഹംസഹാജി പന്നിത്തടം നിര്‍വഹിച്ചു.പ്രഥമ സെക്ഷന്‍ സമസ്ത കേന്ദ്ര മുശാവറ അംഗം കെ.പി.സി തങ്ങള്‍ വല്ലപ്പുഴ ഉദ്ഘാടനം ചെയ്തു. ജംഇയ്യത്തുല്‍ മുദരിസീന്‍ ജില്ലാ ഉപാധ്യക്ഷന്‍ സുലൈമാന്‍ അന്‍വരി കരൂപ്പടന്ന അധ്യക്ഷനായി. എസ്.കെ.എസ്.എസ്.എഫ് സംസ്ഥാന ഉപാധ്യക്ഷന്‍ ബഷീര്‍ ഫൈസി ദേശമംഗലം എന്നിവര്‍ സംസാരിച്ചു. അഹ്മദ് വാഫി ഫൈസി കക്കാട് വിഷയാവതരണം നടത്തി. ഗിന്നസ് സത്താര്‍ ആദൂര്‍ ആശംസകള്‍ നേര്‍ന്നുകൊണ്ട് സംസാരിച്ചു.സയ്യിദ് അബ്ദുറഹ്മാന്‍ ജിഫ്‌രി തങ്ങള്‍ വല്ലപ്പുഴ ഉദ്ഘാടനം നിര്‍വഹിച്ച രണ്ടാം സെഷനില്‍ ജംഇയ്യത്തുല്‍ മുദരിസീന്‍ തൃശൂര്‍ ജില്ലാ വൈസ് പ്രസിഡന്റ് ശരീഫ് ഫൈസി അധ്യക്ഷത വഹിച്ചു. സമസ്ത എറണാകുളം ജില്ലാ സെക്രട്ടറി ഓണമ്പിള്ളി മുഹമ്മദ് ഫൈസി പ്രസംഗിച്ചു. ഹൈദരലി വാഫി ഇരിങ്ങാട്ടിരി വിഷയാവതരണം നടത്തി.
വൈകിട്ടോടെ ചേര്‍ന്ന സമാപന സംഗമം സമസ്ത കേന്ദ്ര മുശാവറ അംഗം ചെറുവാളൂര്‍ ഹൈദ്രോസ് മുസ്‌ലിയാര്‍ ഉദ്ഘാടനം ചെയ്തു. ഷിയാസ് അലി വാഫി വടക്കാഞ്ചേരി മുഖ്യപ്രഭാഷണം നിര്‍വഹിച്ചു.ജംഇയ്യത്തുല്‍ മുദരിസീന്‍ തൃശ്ശൂര്‍ ജില്ലാ ജനറല്‍ സെക്രട്ടറി അബ്ദുല്ലത്തീഫ് ഹൈതമി, ജംഇയ്യത്തുല്‍ മുദരിസീന്‍ ജില്ലാ വൈസ് പ്രസിഡണ്ട് ഹംസ അന്‍വരി മോളൂര്‍, പി.ടി കുഞ്ഞുമുഹമ്മദ് മുസ്‌ലിയാര്‍, ഹംസ ബിന്‍ ജമാല്‍ റംലി, ശറഫുദീന്‍ ബാഖവി, മുഹമ്മദ് കുട്ടി ബാഖവി, മഹ്‌റൂഫ് വാഫി, ശാഫി ഹുദവി ചാമക്കാല, മജീദ് ഫൈസി അണ്ടത്തോട്, സൈതലവി ദാരിമി, അബ്ദുല്‍ ഗഫൂര്‍ ഫൈസി, അബ്ദുറഷീദ് മദനി, കബീര്‍ വാഫി തൊഴിയൂര്‍, അബ്ദുല്‍ജബ്ബാര്‍ അശ്‌റഫി, ജാഫര്‍ ശരീഫ് വാഫി പാലപ്പിള്ളി, അബുല്‍ ഫസല്‍ വാഫി, ജാബിര്‍ യമാനി മണത്തല, ഇല്യാസ് ഫൈസി, ഹാഫിള് അബൂബക്കര്‍ സിദ്ദീഖ് മാലികി, ഇബ്രാഹിം ഫൈസി പഴുന്നാന, ശാഫി ഹുദവി, മുഹിയുദ്ദീന്‍ ബാഖവി, ഹുസൈന്‍ ബാഖവി എരുമപ്പെട്ടി, അബ്ദുന്നാസിര്‍ അന്‍വരി കാപ്പ്, ഉബൈദ് ഫൈസി ചെറുതുരുത്തി, സുഹൈല്‍ വാഫി, സിംല ഹസന്‍, മോനുട്ടി, നൗഷാദ് എം എച്ച് കടങ്ങോട്, ഇമ്പിച്ചി , അഹമ്മദ് കബീര്‍ ഫൈസി ഇമണ്ണ.