എടപ്പാള്‍: ബാലസംഘം വേനല്‍ തുമ്പി-2017 അവധിക്കാല പഠന ക്യാംപ് കാഞ്ഞിരമുക്ക് കാരക്കാട് ആരംഭിച്ചു.ആറ് ദിവസം നീണ്ട് നില്‍ക്കുന്ന പഠന ക്യാംപില്‍ നാടകം, നാടന്‍ പാട്ടുകള്‍, വിവിധയിനം കളികള്‍, വ്യക്തിത്വ വികസന ക്ലാസുകള്‍ എന്നിവ നടക്കും.
ഇവിടെ നിന്നും പരിശീലനം നേടിയ കുട്ടികളാണ് ജില്ലയുടെ വിവിധ പ്രദേശങ്ങളില്‍ സഞ്ചരിച്ച് തങ്ങള്‍ക്ക് പകര്‍ന്ന് കിട്ടിയ അറിവുകള്‍ കഥയായും കവിതയായും നാടകമായും അവതരിപ്പിക്കുക.
 വ്യാഴാഴ്ച നടന്ന പരിശീലന ക്ലാസില്‍ ബാലസംഘം സംസ്ഥാന പ്രസിഡന്റണ്ട് ജിഷ്ണ പ്രസാദ് മുഖ്യാതിഥിയായി. പരിശീലന പരിപാടിക്ക് ജില്ലാ സെക്രട്ടറി അനീഷ്,കണ്‍വീനര്‍ സി.വിജയകുമാര്‍,ജയപ്രകാശ് തുടങ്ങിയവര്‍ നേതൃത്വം നല്‍കി.