റിയാദ്: ആളുകളെ ആത്മഹത്യയിലേക്ക് നയിക്കുന്ന ബ്ലൂവെയില്‍ ഗെയിമിന്റെ കെണില്‍ പെട്ട് മദീനയില്‍ പതിമൂന്നുകാരി ജീവനൊടുക്കി. പെണ്‍കുട്ടി വീട്ടില്‍ തൂങ്ങിമരിക്കുകയായിരുന്നു. സുരക്ഷാ വകുപ്പുകള്‍ മേല്‍നടപടികള്‍ സ്വീകരിച്ച് മൃതദേഹം മോര്‍ച്ചറിയിലേക്ക് നീക്കി. 

ബ്ലൂവെയില്‍ ഗെയിം കെണിയില്‍ കുടുങ്ങി സഊദിയില്‍ ഒരാഴ്ചക്കിടെ ജീവനൊടുക്കുന്ന രണ്ടാമത്തെ കുട്ടിയാണ് മദീനയിലെ ബാലിക. ദിവസങ്ങള്‍ക്കു മുമ്പ് അബഹയില്‍ സഊദി ബാലന്‍ ഈ ഗെയിമിന്റെ കെണിയില്‍ കുരുങ്ങി ആത്മഹത്യ ചെയ്തിരുന്നു.